Plan du Salut

 

Le salut i vien de Dieu par Jésus-Christ; li aim  a nou et li veu ke tout le bann zome lé sauvé come li la promi.

Pou ou conpren kosa y vé dir, i fo bien lir lo bann 4 poin.

  

 1. Dieu y aim not' tout.

  

 “Kom Dieu la aim not' tout, li la done son sél zenfan, com’a nou gaign la vie éternel et nou mort pa."

Jean 3. 16

  

“Dieu la donn son sél zenfan kom victim pou sove a nou de nout péché, lé com sa ke nous voi son lamour.”

1Jean 4. 10

 

“A nou, nou coné Dieu i aim  a nou, et nou la cru en son l'amour. Dieu lé amour et sak lé dans lamour, lé en Dieu et Dieu lé en li.”

1Jean 4. 16

 

“Kom un papa na compassion pour son bann zenfan, l'Eternel néna compassion pou sak y craint a li. Car li koné de kosa nou lé formé et li koné ke nou lé poussière.”

Psaume 103. 13-14

 

2. Le bann zome lé pécheur, zot lé donc séparé de Dieu.

 

“Na poin de zome lé juste , même pas un ;”

Romains 3.10

 

"I gaine pas diférencié paske toute le bann zome la péché, zot y gaign pas voir la gloire de Dieu ;"

Romain 3. 23

 

“Sak y arive a cose lo bann péché, c'é la mort. Mé Dieu, li, li donne gratitemen la vie éternel par son seul zenfan : JesusChrist , nout Seigneur.”

Romain 6. 23

 

3. Mé Dieu la prométe a nou un sauveur, li sa pren tout nout bann péché. Le sauveur la, c'é Jésus-Christ, li lé mort et li la soufer pou nout péchés et li la revive troi jours aprè.

 

“Mi lé le bon berger. Le bon berger y donn son vie pou son bann brebis.”

Jean 10. 11

 

“A li même la porte nout péchés ek son corps su do bois, li la mort o péchés com’a nou vive pou la jistice, nout tout la été guéri par son bann meurtrissires.”

1Pierre 2. 24

 

“En li nou la gaign le redemption par son sang, le remission de nout bann péché, a cose le rissesse de son grâce,”

Ephesiens 1. 7

 

“Mé li la été blessé pou nout péchés, et brizé pou nout iniquités, lo chatiment y donn a nou la paix la tomb su li, c’é a cose son bann meurtrissires ke nou lé guéri. Nout toute lété perdi kom bann brebis, chacun té suiv son prope voie, é l'Eternel la frap a li pou l'iniquité de nout toute.”

Esaie 53. 5-6

 

4. Christ la donn son sang pou le pardon de nout péché. I fo croire en li , et recevoir a li kom sauveur pou éte sauvé.

 

“Repen a zot, converti a zot et pou ke tout zot ban péchés y eface,”

Actes 3. 19

 

“Jésus i di: Mi lé le ssomin, le vérité, et la vie. persone i vien o père ke par mwin.”

Jean 14. 6

 

“Mi lé le cep, a zot zot lé les sarments. Sak y vive en mwin et en qui mi vive i porte un ta lo frui, paské sans mwin zot y gaign pas fé rien.”

Jean 15. 5

 

“Sak i croi o Fils néna la vie éternel; sak i croi pas au Fils y vera pa la vie, mé le colére de Dieu sera en la.”

Jean 3. 36

 

“Mé a tout sak la resu a li, a tout sak i croi en son nom, elle la donn a zot le pouvoir de devenir zenfans de Dieu,”

Jean 1. 12

 

Pou résimé nout toute lé pécheurs, nou lé séparé de Dieu. Mé Dieu i aim a nou un ta donc li vé fé la paix ek nou. Li la envoye a nou un Rédempteur, Jésus-Christ, li la port nout bann péchés pou fé de nou zenfant Bon Dieu.

 Li tend a zot son main pou sove a zot, aster, ou sa trap son main ?

 

“La, mi tien a mwin devant zot porte et mi frap. Si un moune i enten mon voix et y ouve le porte, mi rent ché li, et mi dine ek li et li ek mwin.”

Apocalypse 3. 20

 

“Si un moune na zoreille, enten a mwin.”

Apocalypse 13. 9