Plan du Salut

 

 Chole recape ale vient ed Diu par Jésus Christ, i nous aime et veut qu'tertous i soèchte récapés, slon s'promèche.

 

1.Diu il aime tertous chés hommes

 

"Car Diu il o telmint aimé ch'mond, qu'i o donné sin seul fiu, pour equ chelal qui croète in li i n'meurte mi mais qu'iz aiche chole vie qu'a n'finit jamouais. "

Jean 3, 16.

 

"Pi cht'amour lo, ch'est mi qu'on o aimé Diu, mais qu'i nous o aimé pi invoéyé sin fiu pour qu'i s'donne in sacrifiche pour nos feutes. "

1 Jean 4, 10.

 

"Pis nous eutt, on o connu cht'amour equ Diu il o pour nous, pi on y o cru. Diu Il est amour ; pi chti qui reste dins cht'amour i reste in Diu, pi Diu i reste in li. "

1 Jean 4, 16. 

 

"Tout comme un père il o pitié ed ses infints, cht'Eternel il o pitié ed chélal qui l'craignte. Pasqu'i sas ed quoé qu'on est fouait, i s'souvient equ'os sommes porète. "

Psaume 103, 13-14.

 

2.Ches hommes i sont pécheurs pi donc copés ed Diu

  

 "I n'i o mi d'juste, mi meme un seul. "

Romains 3, 10.

 

"I n'i o mi ed différinche intr tertous. Car tertous i z'ont péché pi n'peuvte mi prétinde à chole gloère ed Diu."

Romain 3, 23.

 

"Car el poaye de ch'péché, ch'est chole mort. Mais ch'don gratuit ed Diu, ch'est chole vie qu'a n'finit jamouais dins Jésus Christ no Seigneur. "

Romains 6, 23.

 

3 Mais Diu il o promis un Seuveur, qui prindroèt tous chés feutes sur li. Ch'est Jésus Christ, qu'il est mort pi qu'il o souffert pour nos feutes, pi qu'il o ravivé troès jours après.

  

 "Ej sus ech boin bertcher. Ech boin bertcher i donne es'vie pour ses berbis. "

Jean 10, 11.

 

"Li qu'il o porté li même nos feutes in sin corps su ch'bos, pour equ morts à chés feutes os vivom pour ech justiche ; li eq ches blechures a vous ont dgéris. "

1 Pierre 2, 24.

 

"In li, os sommes raccatés par sin sang, ches feutes a nous sontt armises, slon el richeche d'es grache."

Ephésiens 1, 7

 

"Mais il éto bléché pour nos feutes, berzillé pour nos initchités. Ech chatimint qui nous donne chole paix il o tché sur li, pi ch'est par ses blechures qu'on sommes dgréris. Oz étiom tertous à raveuder comme des berbis, chacun i suivoè sin cmin à li ; Pi cht'Eternel i l'o butché pour cht'initchité ed tertous. "

Esaïe 53, 5-6.

 

4. Christ il o donné sin sang pour ech'pardon ed nos feutes. I feut croère pi el archuvoère comme Seuveur pour êt récapé.

  

 "Argrettez don ch'qu'os avez fouait, pi cangez completmint, pour equ vos feutes a soèchte inlvées. "

Actes 3, 19.

 

"Jésus i li o dit : Ej sus ech'kmin, chole vérité, pi chole vie. Mi personne i n'vient à ch'père equ par mi."

Jean 14, 6.

 

"Ej sus cht'arb, os êtes chés brankes. Ch'ti qui reste in mi pi in queche ej reste porte grinmint d'fruits, pasque sans mi o n'povez mi rien fouère.

Jean 15, 5.

 

"Ch'ti qui croèt a ch'Fiu il o chole vie qu'a n'finit jamouais ; Ch'ti qui enn croè mi a ch'Fiu i n'verro mi chole vie, mais chole colère ed Diu a reste edssu li."

Jean 3, 36

 

"Mais à tertous chélal qui l'ont erchue, à chélal qui croète in sin nom, al o donné ech pouvoèr ed devnir z'infants ed Diu"

Jean 1, 12

 

Pour fouère simple, o sommes tertous pécheurs, copés ed Diu. Mais Diu i nos aime telmint qu'i veut fouère chole paix avec nous eute. I nous o invoéyé un Racateux, Jésus Christ, qu'il o porté nos feutes pour fouère ed nous edz'infints ed Diu.

 I tind s'main pour vous récaper, allez vous ti l'pétcher ?

 

"Vlo, ej chu à chole porte, pi j'buque. Si y in o einne qu'il intind em'voué pi qui ouv chole porte, j'vo rintrer chez li, ej souperai avec li, pi li avec mi. "

Apocalypse 3, 20.

 

"Si y in o einne qu'il o dz orelles, qu'il intinde."

Apocalypse 13, 9.